英足盃16強，利物浦繼周中英超快車後再次作客狼隊。預料今場唔會再咁大意，如果一周輸2次畀榜尾大幡，施洛都好惡捱，相信今場利物浦唔止會贏，仲贏得「快、狠、準」，推介半場客勝。
（Now 651周六凌晨4時直播）文:渡邊年
「紅軍」上仗雖然輸波，不過整場賽事球隊不論控球、射門及中框次數都佔盡優勢，仲有中柱中楣各1次，加上補時輸嗰球，係狼隊射中祖高美斯隻腳改變方向，輸波有啲欠運。
狼隊專注護級盃賽未必搏
今場再度相遇，兩軍作戰心態係勝負關鍵，狼隊聯賽主場逼和阿仙奴，再贏維拉同利物浦，護級重燃希望，英足盃究竟搏唔搏好有疑問。
相反，利物浦為咗復仇同保住飯碗，領隊施洛或會用上半隊主力，盡早入多幾粒，封住啲「負評」，球隊有番信心之餘，仲可以早啲再輪換，備戰下周中歐聯作客加拉塔沙雷。事實上，「紅軍」實力遠超狼隊，唔計上仗輸波，對上4次交手全勝兼半場領先，信利物浦多一次，追半場客勝。