亞冠精英盃16強首回合今日上演「韓日對決」，FC首爾主場火併神戶勝利船。FC首爾早前同港隊友賽踢成1比1，最後互射12碼落敗，之後韓職開咧戰以2比1擊敗仁川聯，對士氣有一定幫助；日本聯賽開咗一段時間，神戶勝利船狀態相對較佳，但作客會先求穩陣，加上佢哋近5場亞冠盃4次開2球或以下，2.5球入球細機會高。（周三晚上6時開賽）文:邪神
FC首爾剛開咧未谷起
FC首爾近年最出名球星當然係連格，不過呢位前曼聯射手已經離隊，進攻陣容難免要重組，佢哋喺韓職開鑼戰憑宋旼奎同趙永旭建功，以2比1擊敗仁川聯，狀態仲未完全谷起，今日轉戰更高水平嘅亞冠盃，當然要謹慎應戰。
神戶勝利船喺聯賽階段高踞次席，日職亦踢咗一段時間，無論實力同狀態都好啲，前鋒武藤嘉紀腳風甚順，因此作客讓波算合理，不過由於只係首回合，勝利船心態未必會去盡，寧願等次回合先嚟料，入球細屬最佳選擇。