意甲前4關鍵戰，ＡＣ米蘭主場迎戰祖雲達斯。兩隊現時排喺第3、4位，要取得歐聯入場券仲要努力搶分，今場「6分波」似乎好重要，不過睇番積分榜形勢，其實今場和波，對雙方都冇壞，加上兩隊近9次聯賽對賽全開2球或以下，相信今場少交收，捧2.5球入球細。（Now 638周一凌晨2時45分直播）文:邪神
ＡＣ米蘭現以66分排第3，祖雲達斯63分排第4，排5、6位嘅科木同羅馬同得58分，所以Ａ米同祖記都有搶分壓力。不過Ａ米近5場得2勝3負，3場敗仗都0入球，兩大射手拉菲爾利亞奧同基斯甸普列錫出現入球荒，攻力疲弱，今場莫講話贏祖記，唔輸都要還神。
要埋祖雲達斯﹁讓客」
反觀祖雲達斯近8場錄得6勝2和走勢強勁，當中近6場入11球僅失1球，踢法攻守兼備，由門將迪格高里奧同中堅基爾臣比爾馬領導嘅防線非常穩健，前場就靠約拿芬大衛、基蘭耶迪斯、法蘭斯高干斯卡奧製造威脅，今場搶分機會高，睇好入球細之餘，祖記讓球客勝（+1）亦可兼顧。